როგორ შეიძლება ეფექტურად გავანათოთ პატარა სივრცე? არ აქვს მნიშვნელობა ეს პატარა სტუდიოს ტიპის ბინაა თუ ერთი კონკრეტული ოთახი, რომელიც დიდი სივრცით არ გამოირჩევა. ბევრ ჩვენგანს ქონია ან აქვს სივრცე, რომლის უფრო დიდად წარმოჩენა უნდა. დიზაინერები ბევრ სხვადასხვა ხერხს იყენებენ ამ ეფექტის მისაღებად. მაგალითად, დეკორის მინიმალურად გამოყენებით, სათავსოების კრეატიულად ჩაშენებით და ა.შ. დღეს ჩვენ ვისაუბრებთ განათების გამოყენებაზე მსგავსი ეფექტის მისაღებად.

გამოიყენე განათების რამდენიმე წერტილი

   ერთ-ერთი ყველაზე მარტივი რჩევა, როცა საქმე განათებას ეხება, არის, რომ სინათლე არ დააკლედეს ოთახს. ოთახის ყველა წერტილი უნდა იყოს განათებული, დაუშვებელია ჩრდილები იყოს დატოვებული, ან ოთახის ნაწილი სუსტად იყოს განათებული, რადგან ეს მას პატარად წარმოაჩენს. ამ ეფექტის მისაღებად, სასურველია განათების რამდენიმე წერტილი გვქონდეს გამოყენებული, რადგან რთულია ერთი ძირითადი ნათებით სასურველი ეფექტის მიღება. სასურველია წერტილოვანი და მიმართული განათების, ასევე ტორშერებისა და მაგიდის სანათების გამოყენება, რათა არ დავუშვათ ოთახის ნაწილის ჩაბნელება.

გამოიყენე დაბალი ჭაღები

   როცა დაბალ ჭერი გვაქვს ბინაში, ჭაღის ზომა და სიმაღლე, აუცილებლად, რაც შეიძლება პატარა უნდა იყოს. მასიური ჭაღი სივრცეს უფრო პატარად წარმოაჩენს. ეს არ ნიშნავს, რომ განათების სიმძლავრე უნდა შევამციროთ, როგორც უკვე აღვნიშნეთ, სიკაშკაშეც ძალიან მნიშვნელოვანია. კარგი ვარიანტია, ამ შემთხვევაში, ჭერზე მიბჯენილი ჭაღები, რომლებსაც დაშვება საერთოდ არ აქვს. თუ მაინცდამაინც დაშვებული უნდა იყოს ჭაღი, მაშინ ისეთი დიზაინის მოდელი უნდა შეარჩიოთ, რომელსაც პატარა დაშვება აქვს ჭერიდან ან სულაც ურეგულირდება სიმაღლე. ჩვენ შეგვიძლია თქვენთვის სასურველი დაშვებით დავამზადოთ მოდელი, რადგან ჩვენი წარმოებული ჭაღების დიდ არჩევანს გთავაზობთ და ჩვენი მოდელები ამის საშუალებას გვაძლევს.

გამოიყენე უკანა მხრიდან განათება

   ჩრდილები და ჩაბნელებული მონაკვეთები ოთახში არა მხოლოდ კუთხეებში, არამედ თაროებსა და ჭერზეც შეიძლება შეგვხვდეს. ასევე იმ ადგილებზე, რომელზეც კონკრეტულად განათება არ ხვდება და არც არის სასურველი მოხვდეს, მაგალითად ტელევიზორზე ან სარკეზე. ამ შემთხვევაში ხაზოვანი LED ლენტების დახმარებით, ჩვენ შეგვიძლია უკანა ფონი გავანათოთ იმ სივრცეების, რომლებიც ნაკლებად განათებულია და ამით უფრო მეტი სიღრმის იმიტაცია შევქმნათ. კარგი მაგალითია თაროების, სამზარეულოს მაგიდის, სარკისა და ტელევიზორის უკანა მხრის განათება.

გამოიყენე ბუნებრივი განათება

   დღის განმავლობაში ოთახში მაქსიმალური შუქის შესვლის საუკეთესო გზა ბუნებრივი ნათებაა. განათების ყველაზე კარგი წყაროა დღის შუქი, რომელიც სივრცეში სიკაშკაშეს შემოიტანს. ასევე, თუ ოთახში სარკეები იქნება, რომელიც სინათლეს აირეკლავს, ეს სივრცეს უფრო მასიურად გამოაჩენს. ამ შემთხვევაში, კედლის ფერიც გასათვალისწინებელია, ღია ფერის კედლები სინათლეს უკეთ ირეკლავს ვიდრე მუქი, შესაბამისად პატარა ზომის ბინაში მუქი კედლების ქონა არ არის რეკომენდირებული. სარკეებისა და კედლის ფერის გათვალისწინება სანათების გამოყენების შემთხვევაშიც იგივე ეფექტს მოგვცემს.
  თუ ამ ყველა რჩევას გავითვალისწინებთ, შეგვიძლია თავდეჯერებულები ვიყოთ, რომ ჩვენი პატარა სივრცე შეიძლება არც ისე პატარად გამოჩნდეს.