წესები და პირობები

(გამოყენების შეთანხმება https://brandr.ge )

მუხლი 1. ხელშეკრულების მოქმედების სფერო

1.1. წინამდებარე წესები და პირობები (შემდგომში - „შეთანხმება“) ვრცელდება ინტერნეტ – მაღაზია brandr.ge – ზე (შემდგომში - „გამყიდველი“) განხორციელებულ შეკვეთებზე მომხმარებლის/მყიდველის მხრიდან;

1.2. ინტერნეტ–მაღაზიის მეშვეობით საქონლის შეძენისას, მყიდველი ეთანხმება წინამდებარე შეთანხმების პირობებს, საქონლის მიწოდების წესს და კომპანიის კონფიდენციალურობის პოლიტიკას.

მუხლი 2. ხელშეკრულების საგანი

2.1. წინამდებარე ხელშეკრულებით, გამყიდველი კისრულობს ვალდებულებას გადასცეს მყიდველს შეკვეთით გათვალისწინებული საქონელი, ხოლო მყიდველი კისრულობს ვალდებულებას გადაუხადოს გამყიდველს საქონლის ღირებულება;

2.2. წინამდებარე ხელშეკრულება ძალაში შედის გამყიდველის მიერ მყიდველის შეკვეთაზე დასტურის გაცემისთანავე.

მუხლი 3. შეკვეთის გაკეთების წესი

3.1.  მყიდველს უფლებამოსილია შეიძინოს ინტერნეტ-მაღაზიაში განთავსებული ნებისმიერი საქონელი, წინამდებარე შეთანხმების წესების შესაბამისად;

3.2. შეკვეთის გაკეთებისას მყიდველი ვალდებულია მიუთითოს საქონლის მიწოდების ადგილი და ინტერნეტ მაღაზიის მიერ მოთხოვნილი სხვა სავალდებულო მონაცემები;

3.3. შეკვეთის გაკეთებისას, საქონლის მახასიათებლების დასადასტურებლად ან/და შეკვეთასთან დაკავშირებული უზუსტობების აღმოსაფხვრელად, მყიდველი უფლებამოსილია დაუკავშირდეს გამყიდველს წინამდებარე ხელშეკრულების მე-10 მუხლში მითითებულ საკონტაქტო ნომერზე ან/და ელექტრონულ ფოსტაზე;

 3.4. მყიდველის მიერ შეკვეთაში არასრული ან/და არაზუსტი ინფორმაციის მითითების შემთხვევაში, გამყიდველი უფლებამოსილია დაუკავშირდეს მყიდველს მის მიერ მითითებულ ტელეფონის ნომერზე;

3.4.1. გამყიდველი უფლებამოსილია მყიდველის შეტყობინების გარეშე გააუქმოს შეკვეთა და 7 დღის განმავლობაში დაუბრუნოს გადახდილი თანხა ( საქონლის ღირებულების გადახდის შემთხვევაში), თუ გამყიდველი ვერ უკავშირდება მყიდველს ორი სამუშაო დღის განმავლობაში.

3.5. იმ შემთხვევაში, თუ გამყიდველი შეკვეთის გაკეთებიდან საქონლის მიღებამდე შეცვლის მითითებულ მისამართს, იგი ვალდებულია დაუყოვნებლივ აცნობოს ამის შესახებ გამყიდველს, წინააღმდეგ შემთხვევაში გამყიდველი თავისუფლდება პასუხისმგებლობისგან საქონლის მიუწოდებლობის გამო.

მუხლი 4. საქონლის მიწოდებისა და დაბრუნების წესი

4.1. გამყიდველი კისრულობს ვალდებულებას, მიაწოდოს მყიდველს შეძენილი საქონელი მის მიერ მითითებულ მისამართზე, შეკვეთის მიღებიდან 3-5 სამუშაო დღეში; 

4.2. გამყიდველი უფლებამოსილია გაახანგრძლივოს საქონლის მიწოდების ვადა, თუკი აღნიშნული გამოწვეულია გამყიდველისაგან დამოუკიდებელი გარემოებებით, მაგალითად, მწარმოებელის საწყობში საქონლის მარაგის ამოწურვის, სატრანსპორტო კომპანიის შეფერხების, დაუძლეველი ძალის ან/და სხვა გარემოებათა გამო. აღნიშნულის შესახებ დაუყოვნებლივ უნდა ეცნობოს მყიდველს, მის მიერ მითითებული ტელეფონის ან ელექტრონული ფოსტის მეშვეობით; 

4.3. მყიდველი ვალდებულია აანაზღაუროს საქონლის მიტანის ხარჯები;

4.4. მყიდველი უფლებამოსილია საქონლის მიღებიდან ორი დღის განმავლობაში დააბრუნოს შეძენილი საქონელი, თუ ნივთს გააჩნია ნაკლი, დაზიანდა ტრანსპორტირებისას ან არ შეესაბამება მყიდველის შეკვეთას;

4.5. საქონლის დაბრუნების შემთხვევაში, მყიდველი ვალდებულია წარადგინოს ნასყიდობის დამადასტურებელი საბუთი, შეავსოს განცხადება და გადასცეს საქონელი გამყიდველს სრული კომპლექტაციითა და ორიგინალურ შეფუთვაში;

4.5.1. საქონლის გამოყენებისა ან/და მისი შეფუთვის დაზიანების შემთხვევაში, დაუშვებელია ნივთის უკან დაბრუნება.

4.6. ინტერნეტ – მაღაზიაში განთვსებული საქონლის სურათები, შესაძლოა, ვიზუალურად მცირედით განსხვავდებოდეს მიწოდებული საქონლისაგან, რაც არ წარმოადგენს საქონლის უკან დაბრუნების საფუძველს;

4.7. იმ შემთხვევაში, თუ ნაკლიანი საქონლის შეკეთება ან სხვა ანალოგიური ნივთით შეცვლა შეუძლებელია, გამყიდველი ვალდებულია შესთავაზოს მყიდველს სხვა, იმავე ღირებულების მქონე საქონლის შეძენა;

4.8. თუ მყიდველი უარს განაცხადებს იმავე ღირებულების მქონე სხვა საქონლის მიღებაზე, გამყიდველი ვალდებულია დაუბრუნოს მყიდველს გადახდილი ნივთის ღირებულება 7 (შვიდი) სამუშაო დღის განმავლობაში.

მუხლი 5. საქონლის გარანტიის პირობები

5.1. შეძენილ საქონელზე საგარანტიო ვადა მოქმედებს შეძენის დღიდან 24 თვის განმავლობაში.

5.2. მწარმოებლის ხარვეზის აღმოჩენის შემთხვევაში მყიდველი უფლებამოსილია საქონელი დაუბრუნოს გამყიდველს შესაკეთებლად, ნივთის შეძენისა და გარანტიის დამადასტურებელ საბუთებთან ერთად.

მუხლი 6. ანგარიშსწორება

ანგარიშსწორება მხარეთა შორის წარმოებს ნაღდი ან უნაღდო ანგარიშსწორების გზით.

მუხლი 7. მყიდველის პერსონალური მონაცემების დაცვა

შეკვეთის გაკეთებისას, მყიდველის მიერ მიწოდებული პერსონალური მონაცემები დაცულია შპს „ბრენდ არ“-ის კონფიდენციალურობის პოლიტიკით გათვალისწინებული წესებით.

მუხლი 8. ფორსმაჟორი

8.1. ფორსმაჟორული სიტუაციის დროს, როდესაც ხელშეკრულების არც ერთი მხარე არ არის ბრალეული (მაგ. სტიქიური უბედურება, ეპიდემიოლოგიური ვითარება, საომარი მოქმედებების დაწყება, ამასთან, საქართველოს კანონმდებლობის ნებისმიერი ისეთი ცვლილება, რომელიც აუარესებს რომელიმე მხარის სამართლებრივ მდგომარეობას, გავლენას ახდენს მხარეთა მიერ შესასრულებელი ვალდებულებ(ებ)ის შესრულების შესაძლებლობაზე, ვადებსა და/ან ხარჯებზე) ხელშეკრულებით ნაკისრი ვალდებულებების შეუსრულებლობისთვის ან არაჯეროვანი შესრულებისთვის, არც ერთ მხარეს არ დაეკისრება სამართლებრივი პასუხისმგებლობა;

8.2. ფორსმაჟორული სიტუაციისას მხარე ვალდებულია დაუყოვნებლივ აცნობოს ამის შესახებ მეორე მხარეს. თუ  მხარის ინფორმირება დაუყოვნებლივ ვერ მოხერხდება, აღნიშნული პირველი შესაძლებლობისთანავე უნდა განხორციელდეს. შეუტყობინებლობის შემთხვევაში მხარე არ თავისუფლდება პასუხისმგებლობისგან;

8.3. თუ ფორსმაჟორული მდგომარეობა გაგრძელდება 01 (ერთი) კალენდარულ თვეზე მეტი ხნით, წინამდებარე ხელშეკრულება შეიძლება შეწყდეს დამკვეთის ან/და შემსრულებლის მიერ, მეორე მხარისთვის შეტყობინების გაგზავნის გზით. 

მუხლი 9. დასკვნითი დებულებები

9.1. შეკვეთის გაფორმებით, მყიდველი ადასტურებს, რომ გაეცნო და ეთანხმება წინამდებარე ხელშეკრულების წესებსა და პირობებს და კონფიდენციალურობის პოლიტიკას;

9.2. წინამდებარე ხელშეკრულებიდან გამომდინარე, დავა მხარეებს შორის წყდება ურთიერთშეთანხმებით, ხოლო შეუთანხმებლობის შემთხვევაში, საქართველოს კანონმდებლობით   დადგენილი   წესით სასამართლოს მიერ.

მუხლი 10.  გამყიდველის საკონტაქტო ინფორმაცია