როგორ გავანათოთ სამუშაო მაგიდა სამზარეულოში?

 

სამზარეულოში ერთ-ერთი ყველაზე მნიშვნელოვანი ნაწილი არის სამუშაო სივრცე, რომელსაც უშუალოდ საჭმლის მოსამზადებლად ვიყენებთ. სამწუხაროდ, ხშირად, სწორედ ამ სივრცის არაეფექტურად განათების გამო, შემდეგ უკვე დისკომფორტს გვიქმნის არასაკმარისი შუქი. ყველაზე მნიშვნელოვანი ამ შემთხვევაში არის, რომ კარგად განვსაზღვროთ განათების მიმართულება და არ დავუშვათ ჩრდილის შექმნა ადგილებზე, სადაც კარგი სიკაშკაშე გვჭირდება.
მოდი განვიხილოთ რამდენიმე მაგალითი, რათა ყველაზე ოპტიმალური ვარიანტი შევარჩიოთ.


 

ძირითადი ნათება



ერთ-ერთი გავრცელებული პრობლემა სამზარეულოს განათების დაგეგმვისას არის ის, რომ მხოლოდ ძირითადი ნათების ხარჯზე გვინდა მთელი სივრცის განათება. ამ დროს არ ვითვალისწინებთ, რომ ძირითადი ნათება სამუშაო სივრცის განათებისთვის საკმაოდ არაეფექტურია. ამ შემთვევაში, ჩვენი ჩრდილი(საჭმლის კეთებისას მაგიდის წინ როცა ვდგევართ) აბნელებს სამუშაო სივრცეს და საჭმლის კეთება საკმაოდ მოუხერხებელი ხდება.



წერტილოვანი განათებები ჭერზე



იმისთვის, რომ განათება თანაბრად განაწილდეს მთელ ოთახში, ხშირად ჭერზე მიმაგრებულ წერტილოვან სანათებს იყენებენ. ეს მიდგომა სრულიად მისაღებია, თუმცა კონკრეტულად სამუშაო სივრცის განათებისთვის ისევ არ გამოდგება, რადგან ამ შემთხვევაში თაროები, რომლებიც მაგიდის თავზე არის განთავსებული ჩრდილს აკეთებს და ისევ გვიბნელებს სამუშაო სივრცეს.



ხაზოვანი LED განათება

ამ პრობლემის მოგვარებისთვის ყველაზე ეფექტური გზა არის ხაზოვანი განათების მიმაგრება თაროს ქვეშ ან მაგიდის მოპირდაპირე კედელზე. ამ შემთხვევაში, განათება პირდაპირ არის მიმართული მაგიდისკენ ისე, რომ ჩრდილი არ უშლის ხელს სამუშაო სივრცის სრულად განათებას. გაითვალისწინეთ, რომ სასურველია ნეიტრალური ფერის გამოყენება, რადგან თბილი ნათება მშვიდ გარემოს ქმნის და სხვა ოთახებში გამოგვადგება, ნეიტრალური ნათება კი სხვადასხვა აქტივობისთვის არის შესაფერისი (უფრო ვრცლად ფერების შესახებ ამ ბლოგში). ასევე, ლენტა უნდა ჩაისვას ალუმინის წვრილ პროფილში, რათა დაცულები ვიყოთ ელექტროობასთან პირდაპირი კონტაქტისგან.




ხაზოვანი LED განათების მონტაჟი 

მნიშვნელოვანია, რომ ხაზოვანი LED განათება მთლიანად იყოს კედლის სიგრძეზე, რათა სრულად გაანათოს სამუშაო მაგიდა. „ბრენდ არში“ ნებისმიერი თქვენთვის ზომის ალუმინის პროფილებში ჩასმულ ხაზოვან სანათებს ვამზადებთ შეკვეთით და მზად ვართ ამ საკითხის მოგვარებაში სრულიად დაგეხმაროთ.

თუ ამ ყველა რჩევას გაითვალისწინებთ, შეგიძლიათ მშვიდად იყოთ და მთელი ყურადღება დაუთმოთ ყველაზე მნიშვნელოვან ნაწილს - გემრიელი საჭმელების გაკეთებას.