როგორ გავანათოთ აბაზანის ოთახი?


როგორც წინა ბლოგში ვისაუბრეთ, განათების შერჩევისას აუცილებლად უნდა გავითვალისინოთ განათების
IP რიცხვი. ეს ფაქტორი განსაკუთრებით მნიშვნელოვანია აბაზანისა და ეზოს განათებისას, რადგან ამ სივრცეებში განსაკუთრებით არის წყალთან და მტვერთან შეხების რისკი.დღეს ვისაუბროთ აბაზანაზე და ვნახოთ რა უნდა გავითვალისწინოთ მის განათებისას:


  საპირფარეშო შეიძლება დაიყოს 4 წარმოსახვით ზონად, იმის მიხედვით თუ რამდენად დიდი შეხება ექნება სანათს წყალთან, ანუ რამდენად ახლოს არის სანათი ნიჟარასთან, აბაზანასთან ან საშხაპე კაბინასთან. იმის მიხედვით თუ რომელ ზონაში აყენებთ სანათს, განსხვავებული
IP მაჩვენებლიანი სანათი დაგჭირდებათ.


  გასათვალისწინებელი ზონებია: ზონა 0; ზონა 1; ზონა 2; ზონა 3. ზონა 0-ში დაგვჭირდება ყველაზე მაღალი
IP-ის მქონე სანათი, ხოლო ზონა 3-ში ყველაზე დაბალი. ქვემოთ მოყვანილი სურათზე ასახულია თუ როგორ არის გადანაწილებული ეს ზონები:



 
ზონა 1 - ეს ზონა შეესაბამება აბაზანისა და საშხაპე კაბინის გარშემო სივრცეს 60სმ დაშორებით. ასევე, ნიჟარის ზედა კედელს, 60სმ რადიუსის დაშორებით. ამ შემთხვევაში, სანათს უნდა ქონდეს ყველაზე მცირე IP44 (დაცულია წყლის შხეფებისგან).

ზონა 2 - ეს ზონა შეესაბამება აბაზაბას ან საშხაპე კაბინის შიდა სივრცეს. აქ საჭიროა დაცული იყოს ყველაზე მკაცრი უსაფრთხოების სტანდარტები. სანათი, რომლის დაყენებაც აქ გინდათ, უნდა ქონდეს მინიმუმ IP67 მაჩვენებელი(დაცული არის წყალში ჩაძირვისგან).

ზონა 3 - სააბაზანო ოთახის დანარჩენი ნაწილი არის ზონა 3. ამ ტერიტორიაზე თუ გვინდა სანათის დაყენება, IP21 მაჩვენებელი საკმარისი იქნება, რათა მან გაუძლოს წყლის წვეთებთან და ორთქლთან კონტაქტს.

თუ ამ სტანდარტებს გაითვალისწინებთ, შეგიძლიათ დარწმუნებული იყოთ, რომ თქვენი სააბაზანო ოთახი კიდევ დიდხანს იქნება განათებული. IP მაჩვენებელი მხოლოდ ნაწილია იმ უსაფრთხოების რისკებისა, რაც განათების მონტაჟს უკავშირდება და ელექტრიკოსმა უნდა გაითვალისწინოს. ამიტომ, ანდეთ ეს საქმე გამოცდილ სპეციალისტს, ხოლო განათება შეიძინეთ სანდო კომპანიისგან.