როცა გვინდა განვსაზღვროთ, რა სიკაშკაშის და რამდენი ნათურა დაგვჭირდება სივრცის გასანათებლად, მხოლოდ იმის ცოდნა თუ რამდენ ვატიანია ნათურა არ არის საკმარისი, ჩვენ კიდევ ერთი საზომის - ლუმენის ცოდნა დაგვჭირდება.

ვატი გვეუბნება რამდენ ენერგიას მოიხმარს ნათურა. 60 ვატიანი კლასიკური(ინკანდესენტური) ნათურა, მოიხმარს 60 ვატ ენერგიას. რადგან ჩვენ მოვიხმარდით ამ ნათურებს წლობის განმავლობაში, ჩვენ ვაკავშირებთ გარკვეული სიმძლავრის სიკაშკაშეს 60 ვატთან.
თუმცა, ნათების სიმძლავრეს ასე ვეღარ გავზომავთ, რადგან უკვე ლედ განათებასაც ვიყენებთ. ამიტომ, უნდა გამოვიყენოთ სხვა საზომი - ლუმენი.

ლუმენი არის ნათების სიმძლავრის საზომი ერთეული. სწორედ ის გვაჩვენებს რამდენად მძლავრი და კაშკაშაა ნათება და რამდენად გამოგვადგება ის სასურველი სივრცის გასანათებლად. კლასიკური ნათურა იმავე რაოდენობის ლუმენის ნათების მისაღებად საშუალოდ 10-ჯერ მეტ ვატ ენერგიას იყენებს, ვიდრე ლედ ნათურა.



შედარებისთვის - კლასიკური ნათურა საშუალოდ 13 ლუმენ სიმძლავრეს გვაძლევს ერთ ვატზე, ხოლო ლედ ნათურა 66 ლუმენ სიმძლავრეს ერთ ვატზე. ასევე, ლედ ნათურის მუშაობის ხანგძლივობა საშუალოდ 20 000-50 000 საათია, როცა კლასიკური ნათურის 2000. ამიტომ, თუ გვინდა ნაკლები დანახარჯით მეტი ნათების მიღება, არჩევანი ლედ ნათურაზე უნდა გავაკეთოთ.